ظہورِ قدسی علامہ شبلی نعمانی رح ۔۔۔۔۔۔۔۔۔۔۔۔ " چمنستان دہر میں بارہا روح پرور بہاریں آ چکی ہیں، چرخ نادرۂ کار نے کبھی کبھی بزم عالم اس سر و سامان سے سجائی کہ نگاہیں خیرہ ہو کر رہ گئیں۔ لیکن آ ج کی تاریخ وہ تاریخ ہے جس کے انتظار میں پیر کہن سال دہر نے کروڑوں برس صرف کر دیئے۔ سیارگان فلک اسی دن کے شوق میں ازل سے چشم براہ تھے۔ چرخ کہن مدت ہائے دراز سے اسی صبح جان نواز کے لئے لیل و نہار کی کروٹیں بدل رہا تھا۔ کارکنان قضا و قدر کی بزم آرائیاں، عناصر کی جدت طرازیاں، ماہ و خورشید کی فروغ انگیزیاں، ا

1925-05-29 پس ماندگی کا راز آپ مسلمان ہیں ، اور ہندوستان میں، آپ فرماتے ہیں کہ آپ کے ہم مذہب قریب سات کرور کی تعداد میں موجود ہیں۔ آپ کے علاوہ اسی سرزمین پر، آپ سے بڑی تعداد رکھنے والی ایک قوم اور بھی آبادہے۔ جو فضا آپ کے لئے ہے، وہی اس کے لئے بھی ہے، جس آب وہوا میں آپ پرورش پارہے ہیں، اُسی میں وہ بھی پل رہی ہے۔ جس خاک کے آپ جزو ہیں، اُسی کی وہ بھی ہے، آپ جس طرح ایک اجنبی حکومت کے غلام اور بے بس وبے اختیار ہیں، ٹھیک اسی طرح وہ بھی ہے۔ مگر باوجود اس کے، یہ کیا بات ہے، کہ آپ روز بروز

قوس و قزح کے رنگ ۔30 مئی کے ایک اخبار میں رنگین تصویر کا عنوان (کیپشن) ہے ’’ٹوکیو میں قوس و قزح کے رنگ بکھرے ہوئے ہیں‘‘۔ ایک تو ہمارے صحافی بھائیوں کو بے جا طور پر ’و‘ کا استعمال بہت پسند ہے۔ جیسے بلندوبانگ، چاق و چوبند اور اب قوس و قزح۔ اصل میں یہ’قوس قُزح‘ ہے۔ ’قوس‘ کا مطلب کمان اور ’قزح‘ (ق پر پیش) کا مطلب ہے رنگ، یعنی رنگوں کی کمان۔ چنانچہ ’’قُزح کے رنگ‘‘ بالکل بے معنی ہے لیکن بار بار پڑھنے میں آتا ہے۔ قوس عربی کا لفظ اور مونث ہے۔ قوس آسمان کو بھی کہتے ہیں، کیوں کہ یہ بھی مثل کمان کے ہے۔

ڈاکٹر رضئ الاسلام ندوی صاحب نے مولانا محب اللہ لاری ندوی مرحوم کاذکر چھیڑا ہے، ڈاکٹر صاحب ندوے میں آپ کے عہد زریں کے عینی گواہ ہیں۔ ہمارا حال تو سنی مسلمانوں کا ہے، سنی سنائی  باتیں نقل کرنا ہمارا مشغلہ ہے،  مولانا سے  چند ایک بار ملنے کا شرف اس ناچیز کو حاصل ہوا ہے، چونکہ مولانا کم گو اور انتظامی آدمی تھے لہذا کبھی علمی استفادے کا موقعہ ہاتھ نہ آسکا۔ لیکن مولانا چونکہ ہمارے سن شعور میں ندوے کے اہتمام سے وابستہ ہوئے تھے، اور اس وقت  ہمارے کئی ایک دوست احباب ندوے میں زیر تعلیم تھے، تو آپ کے د

ادبی انٹرویو (مولانادریابادی  کایہ انٹرویو آل انڈیا ریڈیو اسٹیشن دہلی کی فرمائش پر لکھنو یونیورسٹی کے شعبہ اردو کے صدر پروفیسراحتشام حسین نے لیا تھا جو 8جون 1960ءکونشرہوا۔اس نشریہ  میں سوال وجواب کی شکل میں درج تفصیلات سے مولاناکی ادبی زندگی  کے مختلف پہلوؤں  سےمتعلق  بہت سی گراں قدر معلومات فراہم ہوتی ہیں، جن میں عبرت بھی ہے درس بھی۔ ڈاکٹر زبیر احمد صدیقی) --------------------------------------------------- احتشام صاحب یہ میری خوش قسمتی ہے کہ آل انڈیاریڈیوکے ارباب حل وعقد نے آج آپ سے ایک "ا

یہ کالم اردو سیکشن میں دستیاب ہےزنجیر کی شکست (مولانا محمد رفیق قاسمی کی وفات) ڈاکٹر محمد رضی الاسلام ندوی تحریکی و دینی حلقوں میں یہ خبر نہایت افسوس کے ساتھ سنی جائے گی کہ جماعت اسلامی ہند کی مرکزی مجلس شوریٰ کے رکن مولانا محمد رفیق قاسمی کا آج صبح تقریباً 8 بجے اچانک حرکتِ قلب بند ہوجانے سے انتقال ہوگیا _ وہ 76 برس کے تھے _ گزشتہ سال بھی انہیں دل کا دورہ پڑا تھا _ اس وقت علاج معالجہ کے بعد وہ صحت یاب ہوگئے تھے _ آج صبح دل کا شدیدہ دورہ پڑا ، جس سے وہ جاں بر نہ ہوسکے اور روح قفسِ عنصری سے پر

         حکیم الاسلام حضرت مولانا قاری محمد طیب صاحبؒ کے عہد زریں میں دار العلوم دیوبند کے ما تحت جامعہ طبیہ بھی قائم تھا جہاں سے سینکڑوں علماء ،حکیم و طبیب اور بعد میں بی یو ایم ایس کا کورس کرکے ڈاکٹر پیدا ہوئے جو انقلاب کے ساتھ بے نشان ہو گیا۔ کریدتے ہو جو اَب راکھ جستجو کیا ہے؟          حضرت حکیم عزیز الرحمن صاحبؒ کے تعارف کیلئے یہی کافی ہے کہ ان کے والد حضرت مولانا محمد ایوب اعظمیؒ جامعہ اسلامیہ ڈابھیل کے شیخ الحدیث رہے ہیں جبکہ انکے چھوٹے بھائی مولانا سعید الأعظمی عربی ماہنامہ البعث الاسل

آفتاب ہدایت نمودار ہوا مولانا حفظ الرحمن سیوہاروی رح ۔۔۔۔۔۔۔۔۔۔۔۔۔۔۔۔۔۔۔  خدایا وہ صبح کیسی سعادت افروز تھی، جس نے کائنات ارضی کو رشد و ہدایت کے طلوع کا مژدۂ جاں فزا سنایا۔ وہ ساعت کیسی مبارک و محمود تھی جو معمورۂ عالم کے لئے پیغام بشارت بنی، عالم کا ذرہ ذرہ زبان حال سے نغمے گا رہا تھا کہ وقت آ پہنچا کہ اب دنیائے ہست و بود کی شقاوت دور اور سعادت مجسم سے عالم معمور ہو۔ ظلمت شرک و کفر کا پردہ چاک اور آفتاب ہدایت روشن اور تابناک ہو۔ مظاہر پرستی باطل ٹہرے اور خدائے واحد کی توحید، حیات

(( علم کتاب واٹس اپ گروپ پر مناظروں کی افادیت کے موضوع پر ہوئی بحث پر ایک تبصرہ )) مناظرے کی افادیت کے سلسلے میں مولانا محمد عمرین محفوظ صاحب کی باتیں بڑی مفید ہیں، چونکہ مولانا مسلمانوں کے ایک ایسے بڑے پلیٹ فارم کے ذمہ داران میں ہیں جس میں بریلوی ،  بوہرہ اور شیعوں کی بھی نمائندگی ہے، فکری اور مسلکی فرق، اور اصولی اختلافات کو باقی رکھتے ہوئے مشترکہ مفادات کا حصول اس پلیٹ فارم کا ایک اہم مقصد ہے۔ اور یہ ہدف تلوار کی دھار پر چلنے کے مترادف ہے،اللہ مولانا کو اپنے مشن میں کامیاب کرے، اور قوم کو ان

 1925-05-22 موت کی فکر آپ نے کبھی اندازہ کیاہے ، کہ آپ کے وقت عزیز کا کتنا حصہ خدا کی یاد اور اس کی مخلوق کی خدمت میں صرف ہوتاہے، اور کتنا اپنے نفس کی ناز برداریوں میں؟ آپ نے کبھی حساب لگایاہے کہ آپ کی کمائی کا کتنا حصہ خدا کی راہ میں اس کے دوسرے بندوں کے کام آتاہے، اور کتنا اپنے نفس کی خاطرداریوں میں اُٹھ جاتاہے؟ آپ نے اپنے دل کو ٹٹول کر کبھی یہ دیکھاہے ، کہ اس پر سب سے زیادہ ہیبت کس چیز کی طاری رہتی ہے؟ آیا خدا کی؟ خدا کے احکام کی؟ رسولؐ کے پیامات کی؟ اور یا پھر سرکارکی؟ برادری کی؟ دن

ٹڈی دل نے پاکستان میں تباہی مچا دی ہے۔ اس کا حملہ زبان پر بھی ہوا ہے۔ اخبارات میں کئی جگہ ’’ٹڈی دل کا لشکر‘‘ پڑھنے کا شرف حاصل ہوا، جب کہ ’دَل‘ تو کہتے ہی لشکر، فوج، انبوہ کو ہیں۔ ٹی وی چینلز پر کچھ لوگ بڑی دل جمعی سے اسے ’’ٹڈی دِل‘‘ (’د‘ بالکسر) کہہ رہے تھے۔ سیاست دان احسن اقبال بھی ٹی وی پر ’’دِل‘‘ ہی کہہ رہے تھے۔ گزشتہ جمعرات کو ایک ٹی وی چینل کے بہت شریف اینکر بھی ’’ٹڈی دِل‘‘ کہہ رہے تھے، جب کہ این ڈی ایم اے کے جنرل صحیح تلفظ ادا کررہے تھے۔ ’دَل‘ ہندی کا لفظ ہے اور اس کے اور بھی کئی معانی ہی

ایک مکالمہ۔۔۔ موجودہ سائنس رحمت ہے یا زحمت پندرہ منٹ کا یہ مکالمہ 13دسمبر 1939ءکی شام کو لکھنو ریڈیواسٹیشن سے نشرکیاگیا۔ مکالمہ کی زبان مولانا مرحوم کے مخصوص طرزانشاءمیں ہے اوراپنی سلاست وفصاحت پند اورشیرینی کی بناپر آج بھی دلچسپ اوردلآویز ہے۔ معنویت کی بلاغت اس پرمستزاد ۔گفتگو کے آخرمیں جوحکیمانہ نتیجہ نکالاگیاہے وہ آج بھی پورے طورپر صادق نظر آتا ہے۔ڈاکٹر زبیر احمد صدیقی ---------------------------------------------------------------------------------------------- میرصاحب: آداب بجالاتاہوں سر

مرکز میں مودی حکومت کے دوسرے دور یعنی مودی 2.0 کا ایک سال مکمل ہو گیا۔ یہ ایک سال بڑا ہنگامہ خیز رہا۔ پہلے دور میں جہاں مودی حکومت کی توجہ ترقیاتی سرگرمیوں پر رہی حالانکہ اس میں وہ کسی بھی طرح کامیاب نہیں ہو سکی تھی، وہیں اس ایک سال میں اس کی پوری کی پوری توجہ اپنے ہندوتوا کے ایجنڈے کو عملی جامہ پہنانے پر رہی۔ اس کے لیے اس نے جہاں کئی متنازعہ فیصلے کیے وہیں آئینی و جمہوری اداروں کو کمزور کرنے کی مزید کوشش کی۔ اس ایک سال میں حکومت کے خلاف بولنے یا اس کے غلط فیصلوں پر آواز بلند کرنے والوں کی زبانی

جب حضور آئے۔ متین خالد قسط/ 9⃣ ۔۔۔۔۔۔۔۔ گلشن خوشبو سے مہک اٹھا! درد کاکوروی ۔۔۔۔۔۔۔ "بہار کا موسم ہے، نہ سردی کی شدت، نہ گرمی کی تیزی، خشک زمین کو باران رحمت نے سیراب کر دیا ہے، بلبل چہچہا رہی ہے،غنچے مسکرا رہے ہیں، کلیاں کلیاں چٹک چٹک کر " یا مصور" کہہ رہی ہیں، پھول مہک مہک کر دماغ کو معطر کر رہے ہیں، چمن میں کیوڑہ اور گلاب کا چھڑکاؤ ہو رہا ہے۔ قبل اس کے کہ سحر ہو، شبنم نے پھولوں کی پنکھڑیوں پر ننھے ننھے خوبصورت موتی جڑ دیئے ہیں، سارا گلشن خوشبو سے مہک رہا ہے، ڈالیاں وجد کر

تار۔ مذکر یا مونث؟۔ - اطہرعلی ہاشمی - May 29, 2020 اردو میں ہم ایسے کئی الفاظ بے مُحابا استعمال کرتے ہیں جن کا مفہوم اور محل واضح ہوتا ہے لیکن کم لوگ جن میں ہم بھی شامل ہیں‘ ان الفاظ کے معانی پر غور کرتے ہیں۔ اب اسی لفظ ’’بے مُحابا‘‘ کو دیکھ لیجیے، استعمال صحیح کیا ہے لیکن اگر ’’بے‘‘ ہے تو ’’محابا‘‘ بھی کچھ ہوگا۔ ’’بے‘‘ تو فارسی کا حرفِ نفی ہے، یعنی بغیر مُحابا کے… اور مُحابا کی شکل کہہ رہی ہے کہ یہ عربی ہے۔ عربی میں اس کے کئی معانی ہیں مثلاً لحاظ، مروت، پاسداری، صلح، اطاعت، فروگزاشت، ڈر،

علم  وکتاب واٹس اپ گروپ میں مصلح الامت حضرت مولانا شاہ وصی اللہ فتحپوری رحمۃ اللہ علیہ خلیفہ حضرت حکیم الامت تھانوی رحمۃ اللہ علیہ کا ذکر آیا ہے، جس نے یادوں کےکئی ایک چراغ روشن کردئے ہیں ہمیں یاد نہیں کہ حضرت مصلح الامت ؒ  کا نام نامی پہلے پہل کب کانوں میں پڑا تھا، لیکن گمان غالب ہے کہ شعور کی سیڑھی کے پائیدان جیسے جیسے بڑھتے گئے، اسی کے ساتھ ہی آپ کا نام بھی ذہن میں پیوست  ہونے لگا۔ اس کی بڑی وجہ یہ تھی، کہ جس تکیہ محلہ میں ہم نے آنکھ کھولی تھی،اس میں ڈاکٹر علی ملپا مرحوم کی رہائش تھی، اور

1925-05-15 مُحرّم کے شروع ہونے میں ابھی دومہینے سے زائد کی مدت باقی ہے۔ لیکن مُحرّم کی تیاریاں ابھی سے شروع ہوگئی ہیں۔ محرّم کے آتے ہی گویا ایک جش عید کی سی کیفیت پیدا ہوجائے گی، ہر طرف سے باجے کی آوازیں آنے لگیں گی، خوش گلوئی سوز خوانی کے پردے میں ظاہر ہونے لگے گی۔ مرثیہ خوانی کی محفلیں دھوم دھام سے آراستہ ہونے لگیں گے، ایک ایک گھر روشنی سے جگمگانے لگے گا، تعزیہ وعَلَم ، تابوت وبراق کا موسم، پورے شدومد کے ساتھ شروع ہوجاے گا، لذیذ حلوہ پکنے لگے گا، شہادت نامے پڑھے جائیں گے، فیرینی کے پیالوں

          "وجدان نے چودہ سو سال کی الٹی زقند  لگا کر پہلے زمانہ کے واقعات کو تخیل کی نظر سے دیکھا۔ دنیا بداعمالیوں سے ظلمت کدہ بنی ہوئی تھی۔ کفر کی کالی گھٹا ہر طرف تلی کھڑی تھی۔ عصیاں کی بجلیاں آسمان پر کوندتی تھیں۔ نیکی، نفس کی طغیانیوں میں گھری ہوئی تھر تھر کانپ رہی تھی۔ راه راست سے بھٹکی ہوئی آس اور یاس کی حالت میں ادھر ادھر دیکھ رہی تھی کہ کہیں روشنی کی کرن پھوٹے اور اسے سلامتی کی راہ مل جائے۔ وہ کفر کے اندھیرے میں ڈرتے ڈرتے قدم اٹھا رہ