کمیشن نے کہا ’’ اگر کیب دونوں ایوانوں میں پاس ہو جاتا ہے تو امریکی حکومت کو وزیر داخلہ امت شاہ اور اعلیٰ قیادت کے خلاف پابندی لگانے پر غور کرنا چاہئے۔ امت شاہ کے ذریعہ پیش کئے گئے مذہبی بھید بھاؤ والے اس بل کے لوک سبھا میں پاس ہونے سے یو ایس سی آئی آر ایف بیحد فکرمند ہے‘‘۔خیال رہے کہ پیر کے روز  لوک سبھا میں تقریباً 7 گھنٹے کی طویل بحث کے بعد متنازعہ شہریت ترمیمی بل منظورہوگیا ہے۔ اس بل کی حمایت میں 311 ووٹ پڑے جبکہ مخالفت میں 80 ووٹ پڑے۔ اب اسے راجیہ سبھا میں پیش کیا جائے گا۔ بل کی منظوری سے قبل وزیرداخلہ امت شاہ نے کہا تھا کہ دراندازوں اورپناہ گزینوں کے درمیان بنیادی فرق ہے۔ یہ بل پناہ گزینوں کے لئے ہے۔