آر جے ڈی سپریمو لالو پرساد کی صحت بگڑی ، انفیکشن کے ساتھ ساتھ کرئیٹنن اور بلڈ پریشر بھی بڑھا

رانچی کے رمس میں زیر علاج آرجے ڈی کے سربراہ لالو پرساد یادو کی صحت بگڑتی جارہی ہے۔ ان کا ٹی سی 12100 پر پہنچ گیا ہے۔ اس کا مطلب یہ ہوا کہ ان کے جسم میں انفیکشن بڑھ رہا ہے۔ ان کا کرئیٹنن بھی بڑھ کر 1.85 ہوگیا ہے۔ اطلاعات کے مطابق لالو پرساد یادو کےپاوں میں بھی سوجن ہے۔ وہیں بلڈ پریشر کی سطح بڑھ کر 190 تک پہنچ گئی ہے۔ ان سب کو دیکھتے ہوئے ڈاکٹروں نے انہیں دو طرح کی اینٹی بایوٹکس دینی شروع کردی ہیں ۔