نئے سال میں پہلی مرتبہ پٹرول اور ڈیزل کے دام میں ہوا ضافہ ، ایک کلک پر جانیں نئی قیمتیں

پٹرول اور ڈیزل کی قیمتوں میں پیر کو اضافہ درج کیا گیا ۔ نئے سال میں پٹرول اور ڈیزل کی قیمتوں میں پہلی مرتبہ اضافہ دیکھنے کو ملا ۔ تیل فروخت کرنے والی کمپنیوں نے دہلی ، کولکاتہ اور ممبئی میں پٹرول کے دام میں 21 پیسے ، جبکہ چنئی میں 22 پیسے فی لیٹر کا اضافہ کیا ۔ وہیں چاروں شہروں میں ڈیزل کے دام میں بھی 8 پیسے کا اضافہ ہوا ۔ انڈین آئل کی ویب سائٹ کے مطابق دہلی ، کولکاتہ ، ممبئی اور چنئی میں پٹرول کی قیمتیں اتوار کو بالترتیب 68.50 روپے ، 70.64 روپے ، 74.16 روپے اور 71.07 روپے فی لیٹر درج کی گئی ۔ وہیں ڈیزل ان چار شہروں میں بالترتیب 62.24 روپے ، 64.01 روپے ، 65.12 روپے اور 65.70 روپے فی لیٹر فروخت ہورہا ہے۔