می ٹو مہم کی زد میں آئے ایم جے اکبر نے وزیر مملکت برائے خارجہ امور کے عہدہ سے دیا استعفی

جنسی استحصال کے الزامات میں گھرے مرکزی وزیر ایم جے اکبر نے اپنے عہدہ سے استعفی دیدیا ہے ۔ مرکزی وزیر کے خلاف متعدد خاتون صحافیوں نے جنسی استحصال کے الزامات عائد کئے تھے ۔ اکبر نے اپنے استعفی میں لکھا ہے کہ چونکہ میں نے ذاتی حیثیت سے عدالت سے انصاف کا فیصلہ کیا ہے ، ایسے میں مجھے یہ مناسب لگا کہ اپنے عہدہ سے استعفی دیدوں اور پھر ذاتی حیثیت سے خود پر عائد کئے گئے جھوٹے الزامات کو چیلنج کروں ، اس لئے میں نے وزیر مملکت برائے خارجی امور کے عہدہ سے استعفی دیدیا ہے ۔