’الیکٹورل بانڈس‘ معاملہ پر مودی حکومت کٹہرے میں، سپریم کورٹ نے کی سرزنش

 اس معاملے کی سماعت چیف جسٹس رنجن گوگوئی کی بنچ کر رہی ہے۔ چیف جسٹس گوگوئی نے اٹارنی جنرل کے کے وینو گوپال سے پوچھا کہ کیا الیکٹورل بانڈس خریدنے والے کی جانکاری بینک کے پاس ہے؟ اس پر اٹارنی جنرل نے کہا کہ ’’ہاں، کے وائی سی کے سبب ایسا ہے۔ حالانکہ خریدار کی شناخت خفیہ رکھی جاتی ہے اور مہینے کے آخر میں اس کی جانکاری مرکزی فنڈ کو دی جاتی ہے۔‘‘ جواب سن کرچیف جسٹس آف انڈیا نے پوچھا کہ ’’ہم یہ جاننا چاہتے ہیں کہ جب بینک ایک الیکٹورل بانڈس ’ایکس‘ یا ’وائی‘ کو جاری کرتا ہے تو بینک کے پاس اس بات کی تفصیل ہوتی ہے کہ کون سا بانڈ ’ایکس‘ اور کون سا بانڈ ’وائی‘ کو جاری کیا جا رہا ہے؟‘‘ اس کا جواب اٹارنی جنرل کے پاس نہیں تھا۔ اس پر چیف جسٹس نے کہا کہ اگر ایسا ہے تو کالے دھن کے خلاف لڑائی کی یہ کوشش پوری طرح سے بے کار ہے۔