راہل گاندھی کے کھانے پر یدی یورپا نے کیا تبصرہ ، تو شیو سینا نے کہا : نظر آگئی بی جے پی کی گھبراہٹ

ادریہ میں مزید لکھا گیا کہ کرناٹک میں آنے والی اسمبلی انتخابات میں کانگریس، بی جے پی کو حاشیہ پر رکھ دے گی۔ جس طرح گجرات کے اسمبلی انتخابات میں راہل گاندھی نے نرم ہندوتوا کافروغ دیاتھا‘ اسی طرح کرناٹک میں بھی وہ یہی کام کررہے ہیں۔ شیوسینانے لکھاکہ اب کرناٹک میں انتخابی ریالیوں کاسلسلہ چل پڑاہے اور بی جے پی اور کانگریس کے درمیان الزامات ا ورجوابی الزامات کا سلسلہ شروع ہوچکاہے۔ گجرات کی طرح راہل گاندھی کرناٹک کی مسجدوں کے ساتھ ساتھ مندروں کو بھی جارہے ہیں۔ راہل گاندھی کایہ اقدام بی جے پی کے وزارت اعلی کے امیدوار کے لیے برہمی کاباعث بن رہا ہے۔ اسی لیے یدی یورپّا نے راہل گاندھی پر الزام عائدکیاکہ وہ گوشت کھاکر مندروں کو جارہے ہیں۔