ریاست بھر میں کل ماسک کے تعلق سے بیداری پیدا کرنے 'ماسک ڈے' منایا جائے گا

بینگلورو: 17 جون، 20 (بھٹکلیس نیوز بیورو) ریاست میں کل ماسک کے تعلق سے بیداری پیدا کرنے کے لیے ماسک ڈے کا اہتمام کیا جا رہا ہے۔ کرناٹک کے چیف سکریٹری ٹی ایم وجئے بھاسکر کی جانب سے جاری ایک بیان میں کہا گیا ہے کہ 18 جون کو ماسک کے سلسلہ میں بیداری پیدا کرتے ہوئے COVID-19 بحران کے دوران جسمانی فاصلے کو برقرار رکھا جائے گا۔ انہوں نے کہا ہے کہ ریاست کے لوگوں کو COVID-19 بحران سے متعلق قومی رہنما خطوط پر عمل پیرا ہونے کی یاد دہانی کے لئے ضلع، تعلقہ، کارپوریشن اور وارڈ کی سطح پر آگاہی واک کا انعقاد کیا جائے گا۔ اس واک میں ضلعی انتظامیہ کے عہدیدار، منتخب نمائندے اور صحت سے متعلق کارکنان شرکت کریں گے۔ اس سلسلہ میں ریاستی وزیر اعلی بی ایس یدیورپا نے پیر کے روز اعلان کیا تھا کہ بنگلورو سے تعلق رکھنے والے فلمی اداکاروں اور ایتھلیٹوں کا ایک گروہ ودھان سودھا میں امبیڈکر مجسمے میں جمع ہو کر ماسک پہننے کی ضرورت کے بارے میں بیداری پیدا کریں گے۔ انہوں نے کہا کہ بیان کیا کہ کورونا وائرس کے اکثر مریضوں میں اس مرض کی علامت نہیں ظاہر کرتی ہے اور اسی وجہ سے لوگوں کے لئے ماسک پہننا اور دوری برقرار رکھنا ضروری ہے۔ یدیورپا نے منگل کے روز ایک بریفنگ میں کہا تھا کہ "ماسک نہ پہننے والے لوگوں کے خلاف کارروائی کی جائے گی اور یہ 100 روپے جرمانے سے شروع ہوگا۔