کرناٹک : پھونک پھونک کر قدم بڑھا رہی کانگریس ، اب بھی ریزارٹ میں ہی قیام پذیر ہیں سبھی ممبران اسمبلی

کانگریس - جے ڈی ایس اتحاد نے 117 ممبران اسمبلی کی حمایت کا دعوی کیا ہے۔ غور طلب ہے کہ کرناٹک اسمبلی میں 224 سیٹیں ہیں ، جس میں سے 222 سیٹوں پر اس مرتبہ الیکشن ہوا ہے ۔ وہیں دو اسمبلی سیٹوں پر الیکشن بعد میں ہوں گے ۔ ادھر کمار سوامی نے دو سیٹوں پر جیت درج کی ہے ۔ ایسے میں انہوں نے چنپٹنہ سیٹ اپنے پاس رکھی ہے اور رام نگر سیٹ خالی چھوڑ دی ہے۔