بھٹکل میں مکمل لاک ڈاؤن کے دوران عوام کو ایمرجینسی کے موقع پر ایس پی کی ہیلپ ڈیسک استعمال کرنے کی اپیل

بھٹکل: 14 مئی،20 (بھٹکلیس نیوز بیورو) بھٹکل میں کورونا مریضوں کی تعداد بڑھنے کے بعد بھٹکل کو سیلڈ کیا گیا ہے اور جگہ جگہ گیٹ وغیرہ ڈال کر آمد و رفت پر مکمل پابندی عائد کی گئی ہے۔ گزشتہ روز ایس پی بھٹکل آئے ہوئے تھے اور انہوں نے کہا تھا کہ بھٹکل میں بہت جلد ہیلپ ڈیسک قائم کیے جائیں گے جہاں سے ایمرجینسی کے دوران عوام عارضی پاس حاصل کرسکیں گے۔   ضلعی ایس پی دیوراج نے آج اپنے ایک ٹویٹ میں بھٹکل کے عوام سے اپیل کی ہے کہ ان کی سہولت کے لیے بھٹکل کے مدینہ کالونی اور شمس الدین سرکل پر چیک پوائنٹ بنایا گیا ہے۔ انہوں نے کہا ہے کہ اس ہیلپ ڈیسک کے ذریعے عوام ایمرجنیس کے موقع پر تعاون حاصل کرسکتے ہیں اور عارضی پاس بھی حاصل کرسکتے ہیں۔  

Bhatkal is completely sealed down, in case of emergencies or if people have any problems , help desks are created at Shamshuddin circle and Madina colony entrances . A glass partition is placed to ensure social distancing. I request Bhatkal people to kindly use this facility pic.twitter.com/uhn5oGsK3s

— SP KARWAR (@spkarwar) May 14, 2020