ریلوے نے شروع کی نئی اسکیم ، اس ایپ کے ذریعہ اپنے اسمارٹ فون سے بھی بک کرسکتے ہیں آپ جنرل ٹکٹ

شمال مشرقی ریلوے نے یو ٹی ایس ایپ کے ذریعے اسمارٹ فون پر پیپر لیس غیر ریزرو ( جنرل) ٹکٹ فروخت کی سہولت فوری طورسے شروع کر دی ہے۔  شمال مشرقی ریلوے کے ترجمان نے بتایا کہ موبائل ایپ کے ذریعے ریلوے اسٹیشن کے پانچ کلومیٹر کے دائرے میں اور ریلوے لائن اور اسٹیشن سے 15 میٹر کی دوری سے چالو ٹکٹ بک کئے جا سکیں گے اور پلیٹ فارم ٹکٹ ریلوے اسٹیشن کے دو کلومیٹر کے دائرے میں ملیں گے۔ انہوں نے بتایا کہ یہ ٹکٹ اینڈرائڈ / اسمارٹ فون سے یو ٹی ایس ایپ کے ذریعے خریدے جا سکیں گے۔ اس کے ذریعے مسافر جنرل ٹکٹ، پلیٹ فارم ٹکٹ اور سیزن ٹکٹ بک کروا سکیں گے۔ پیپر لیس ٹکٹ کو رد نہيں کیا جاسکے گا۔ پیپر لیس پلیٹ فارم ٹکٹ خریدنے کے وقت سے دو گھنٹے کے لیے قابل قبول ہوں گے۔ فی الحال یہ ٹکٹ علاقائی ریلوے کے دائرے تک ہی جاری ہوں گے۔