ہندوستانی سرحد پرآج سے تعینات ہوگا نہ نظرآنے والا خفیہ پہرہ دار'اسمارٹ فینسنگ'۔

 اب ہوگی خفیہ دیوارجموں میں ہند- پاک سرحد پر پانچ کلومیٹر کے علاقے میں اس سسٹم کو لگایا گیا ہے۔ کامپریہینسیو انٹیگریٹیڈ بارڈرمنیجمنٹ سسٹم اسکیم کے تحت لگائے گئے اس سسٹم میں نہ نظرآنے والی دیواررہے گی، جو سرحد کی نگرانی کرے گی۔ ایک ساتھ کئی سسٹم کام کریں گے، جوہوا میں، زمین پراورپانی میں سرحد کا تحفظ کریں گے۔ زمین پرآپٹیکل فائبرسسٹم، پانی کے راستوں میں سینسرپرمشتمل سونارسسٹم اورہوا میں ہائی ریزولیشن کیمرہ اورایرواسٹیٹ کیمرہ دشمن کی ہرحرکت پرنظررکھیں گے۔ اس کےعلاوہ انفرا روڈ سسٹم بین الاقوامی سرحد کی فینس پرلگا ہوگا۔ یونیفائڈ کمانڈ کے ذریعہ اس پورے سسٹم کی بھی نگرانی کی جائے گی۔ سرحد پرہرحرکت کی رپورٹ اس یونیفائڈ کمانڈ سینٹرکوملے گی۔ کسی بھی حرکت کی رپورٹ یہ یونیفائڈ کمانڈ سینٹر آگے کک ری ایکشن ٹیمکو دے گا، جو کہ اس کے بغل میں ہی موجود ہوں گے اورفوری اثرسے دشمن کی ہرسرگرمی پرپختہ کارروائی ہوگی۔ گزشتہ تین سالوں سے اس اسکیم پر کام چل رہا تھا۔ آئندہ دو ماہ میں جموں وکشمیر کے ایک طرف پانچ کلومیٹرکے زمینی علاقے اورشمال مشرق میں ہند- بنگلہ دیش ندی کی سرحد پر یہ سسٹم کام کرنا شروع کردے گا۔ فی الحال اس پائلٹ پروجیکٹ کے کاموں کا تمام ایجنسیاں جائزہ لیں گی، جس کی بنیاد پرآئندہ تین سالوں میں ہندوستان کی 2000 کلومیٹرطویل حساس سرحد پراس سسٹم کولگایا جائے گا۔ حکومت کی ترجیح ہے کہ پہلے ہند - پاک سرحد سے متصل علاقوں میں اسے لگایا جائے۔