نوؤ لیبر قانون ہندوستانی ملازمین چے مفاد بتر اشے ؛ سعود الفیصل

نوؤ لیبر قانون ہندوستانی ملازمین چے مفاد بتر اشے ؛ سعود الفیصل بھٹکلیس نیوز / 26 مئ، 13 جدہ / (ایجنیسز) سعودی عربیہ بتر ہندوستانا یقین دہانی کرون گیلیتے کہ غیر ملکی ملازمینا تنگا ٹکون فیٹؤنچو فیصلہ نطاقت قانون چے تحت صرف غیر قانونی طورار سعودی عربیہ بتر کام کرتلے بلیو کالر ملازمینا کچ متاثر کرتلو انی ہیجے علاوہ قانونی طورار ملازمت کرتے اسلّی مانسا ہیجین فائدہ زاتلو ۔ ہندوستانی وزیر خارجہ سلمان خورشید سرین زالّی میٹنگ مگ سعودی عرب چے شہزادہ سعود الفیصل سانگون وھتے کہ جے کونتے کوں طریق کار اوپر عمل کرون وتے اشے تیں سا ہندوستانی ملازمینا چے فائدہ بتر اشے ۔ دنیا بتر سامّان وڑلی مدتے سر وزیر خارجہ چی ذمہ دارای انجام دیتے اسلے شہزادہ فیصل سانگون واٹیت کہ ہیں سا قانون تیں ملازمینا چے حق بتر کچ اشے جے کون سعودی عربیہ بتر قانونی دستاویزات سرین رہاتے واٹیت ۔ اگر اشی کرون گیلے ناہی ترین تیں کیتاؤں اپلا ہاڑلّی مانسا اوپر کچ منحصر زاتلے ، ہندوستانی افراد ہنگا رہاؤنچا سبب اپلے ورک پرمٹ انی دیگر کاغذات ٹھیک کروکاز تاکہ تیں ہنگا قانونی طورار رہاؤن قانونی طورار ملازمت کروکاز ۔ تیں مزید سانگلے کہ نطاقت قانون تحت اپلے ملکا بتر واپس گیلّے ملازمین دوبارہ سعودی عرب بتر یؤن کام کروسکتات تینچے اوپر سعودی عرب بتر کام کروچا سلسلات کائیں پابندی لاؤن گیلی ناہی ۔ سلمان خورشید چے ہیں دورہ بتر تینچے انی سعودی وزیر خارجہ درمنے بھلی سا اہم امور سلسلات تفصیلی زاپنی زاؤن اشے ۔