سیف الدین سوز کا پھرمتنازع بیان ، پاکستان کو کشمیر دینا چاہتے تھے پٹیل ، نہرو نہیں ہوئے تیار

کشمیر سے متعلق ان کی آنے والی کتاب کو لے کر تنازع  پر سوز نے کہا کہ کتاب میں کوئی ایسی بات نہیں ہے ، جس سے کانگریس ناراض ہو ۔ سوز نے کہا کہ میں نے کتاب میں لکھا ہے کہ سردار پٹیل چاہتے تھے کہ کشمیر پاکستان کو دیدیا جائے، لیکن نہرو کشمیر کو ہندوستان میں رکھنے کے حق میں تھے ۔ آخری دم تک پٹیل چاہتے تھے کہ کشمیر پاکستان کو دیدیا جائے۔ ادھر بی جے پی لیڈر شاہنواز حسین نے اس معاملہ پر رد عمل ظاہر کرتے ہوئے کہا کہ کانگریس سوز کے بیان سے کنارہ کشی اختیار نہیں کرسکتی ہے ، سوز کا بیان سردار پٹیل کی بے عزتی ہے ، کانگریس کو ان کے خلاف کارروائی کرنی چاہئے۔