مدد مانگتا رہا باندھ میں ڈوبا کسان ، ویڈیو بنانے میں مصروف رہے گاوں کے لوگ

جھانسی میں بھاری بارش کی وجہ سے گنگا اور مقامی ندیوں کے سطح آب میں تیزی سے اضافہ ہورہا ہے ۔ ہر طرف صرف پانی ہی پانی نظر آرہا ہے ۔ نالوں میں طغیانی کے وجہ سے اموات بھی ہوئی ہیں ۔ تازہ معاملہ اتوار کو اس وقت سامنے آیا جبہ ایک کسان آوارہ جانوروں کو بھگانے کی کوشش میں باندھ میں گر گیا۔ اس دوران پانی کے تیز بہاو کے آگے وہ مدد کی فریاد رہا ، لیکن باندھ پر کھڑے گاوں والے اس کی ویڈیو بنانے میں مصروف رہے۔ سوشل میڈیا میں یہ ویڈیو کافی تیزی سے وائرل ہورہا ہے۔ بتایا جارہا ہے کہ کسان کا ابھی تک کچھ پتہ نہیں لگ پایا ہے۔ یہ واقعہ فتح پور تھانہ علاقہ کے ٹوڈھی گاوں میں پیش آیا ہے۔ کسان بھاری بارش کی وجہ سے آوارہ جانوروں کو کھیتوں سے بھگانے گیا تھا ، تبھی کسان باندھ میں گر گیا ۔ باندھ میں تیز بہاو کی وجہ سے کسان پانی میں ڈوبنے لگا ۔ کسان کے باندھ کے پانی میں ڈوبنے کی ویڈیو سوشل میڈیا پر وائرل ہورہی ہے ۔ ویڈیو میں آپ دیکھ سکتے ہیں کہ پانی میں ڈوبا کسان کس طرح سے خود کو بچانے کیلئے لوگوں سے فریاد کررہا ہے۔