بی جے پی اقتدار کے لئے کچھ بھی کرنے کو تیار: اکھلیش

 سابق وزیر اعلی اکھلیش سنگھ یادو نے کہا کہ حد تو یہ ہے کہ ڈھائی سال سے زیادہ کا وقت گزر جانے کے بعد بھی بی جے پی حکومت ریاست میں ترقی کی ایک اینٹ نہیں رکھ سکی ہے۔ گڈھے سے پاک سڑکوں کا بڑا دعوی جھوٹا ثابت ہوچکا ہے۔ بجلی پیداوار میں بی جے پی ایک یونٹ کا بھی دعوی نہیں کرسکتی ہے۔ غریب ایس سی/ایس ٹی طلبا کو پڑھائی سے محروم کرنے کے لئے تعلیمی اداروں میں ان کے مفت داخلے کا پرانے نظام کو ختم کردیا گیا ہے۔ دوا، پڑھائی دونوں مہنگی ہو رہی ہے۔ نوجوانوں نسل کا مستقبل تاریک ہے۔