کاروار کیمس میں زیر علاج پانچ ماہ کی بچی سمیت بھٹکل کے پانچ کورونا متاثرین کو کیا گیا اسپتال سے ڈسچارج

بھٹکل: 26 مئی،20 (بھٹکلیس نیوز بیورو) بھٹکل کے جن 30 لوگوں کو کاروار کے کاروار انسٹی ٹیوٹ آف میڈیکل سائنس (کیمس) میں ایڈمٹ کیا گیا تھا اُن میں سے 20 افراد 23 مئی کو صحت یاب ہوکر بھٹکل لوٹ آئے تھے۔ آج تازہ اطلاع کے مطابق مزید پانچ لوگوں کو اسپتال سے ڈسچارج کیا گیا ہے جن میں پانچ ماہ کی بچی بھی شامل ہے۔ آج جو افراد ڈسچارج ہوئے ہیں ان میں چھوٹی بچی سمیت تین خواتین اور ایک مرد شامل ہے، یاد رہے کہ یہ بچی اپنی والدہ کے ساتھ ہی اس اسپتال میں زیر علاج تھی۔ حلانکہ ضلعی ایس پی پر مسٹر شیوپرکاش دیوراج نے اپنے ٹوئٹر پر چھ افراد کے ڈسچارج ہونے کی خبر دی ہے تاہم ذرائع کے مطابق پانچ افراد ڈسچارج ہوئے ہیں۔ ایس پی نے اپنے ٹویٹ میں اس کی اطلاع فراہم کرتے ہوئے لکھا ہے کہ کیمس کے انچارج گجانن نائک کی اطلاع کے مطابق ان چھ افراد کو دوپہر 03:30 بجے اسپتال سے ڈسچارج کرکے بھٹکل روانہ کیا گیا ہے۔  

ಕೋವಿಡ್ -19 ನಿಂದ ಗುಣಮುಖರಾದ 6 ಜನರನ್ನು ಕಾರವಾರ ವೈದ್ಯಕೀಯ ವಿಜ್ಞಾಗಳ ಸಂಸ್ಥೆಯ ಕೋವಿಡ್ -19 ವಾರ್ಡ್ ನಿಂದ ಇಂದು ಮಧ್ಯಾಹ್ನ 3.30ಕ್ಕೆ ಬಿಡುಗಡೆ ಮಾಡಲಾಗುವುದು ಎಂದು ಕ್ರಿಮ್ಸ್ ನಿರ್ದೇಶಕ ಡಾ. ಗಜಾನನ ನಾಯ್ಕ ಅವರು ತಿಳಿಸಿದ್ದಾರೆ

— SP KARWAR (@spkarwar) May 26, 2020

واضح رہے کہ بھٹکل میں دوسرے مرحلے کا کورونا وائرس مینگلور کے فرسٹ نیورو اسپتال سے رابطہ کی وجہ سے بھٹکل میں پہنچا تھا جس کی وجہ سے 30 افراد اس کی زد میں آکر بیمار ہوگئے تھے جنہیں بہتر علاج کے لیے کاروار میڈیکل سائنس سینٹر منتقل کیا گیا تھا جس میں سے 20 افراد گزشتہ روز صحت یاب ہوکر گھر پہنچ گئے ہیں اور آج پانچ افراد کو اسپتال سے فارغ کیا گیا ہے۔