کچھ اخبارات کے ذریعے بھٹکل کے خلاف خبریں شائع کرنے پر بھٹکل میں ٹوئٹر پر چڑھا ٹرینڈ؛ ایک مشہور اخبار نے کیا معذرت کا وعدہ

بھٹکل: 18 مئی،20(بھٹکلیس نیوز بیورو) ریاست کے کچھ کنڑا اور انگریزی اخبارات نے گذشتہ روز بھٹکل میں ایک لڑکی کے مینگلورو اسپتال میں علاج کو لے کر غلط خبریں شائع کرتے ہوئے بھٹکل کو بدنام کرنے کی کوشش کی تھی۔ دراصل کچھ دنوں پہلے بھٹکل میں ایک چھوٹی بچی کا ہاتھ فریکچر ہوگیا تھا جس کے بعد ایمرجنسی ہونے کی وجہ سے انتظامیہ کی اجازت لے کر اہل خانہ مینگلور علاج کے لیے روانہ ہوئے تھے اور وہاں کے ایک نجی اسپتال میں علاج کرایا تھا۔ لیکن اس معاملہ کو دوسرا رنگ دیتے ہوئے ریاست کے چند اخباروں نے غلط خبریں پھیلائی تھیں اور کہا تھا کہ لڑکی کے گھر والوں نے اسپتال والوں کو جو اپنی تفصیلات دیں ہیں وہ غلط ہیں۔ اخبارات کا کہنا تھا کہ بھٹکل والوں نے اسپتال میں خود کو کنداپور کا مقیم بتا کر لڑکی کو اسپتال میں بھرتی کیا تھا اور بھٹکل کورونا کا ہاٹ اسپاٹ ہونے کی وجہ سے اسپتال کو بند کیا گیا تھا۔ تاہم چند دنوں بعد خود اسپتال والوں نے اخباری نمائندوں کے سامنے صاف کیا تھا کہ بھٹکل والوں نے آدھار کارڈ دکھا کر اپنی صحیح معلومات دی تھی، اس لیے اخبارات جھوٹی خبریں شائع نہ کریں۔ اس سلسلہ میں بھٹکل کے نوجوانوں نے آج ٹوئٹر پر مہم چھیڑ دی اور اخبار سے معافی کا مطالبہ کرنے لگے۔ اس مہم کے بعد ٹوئٹر پر ہیش ٹیگ #Stopdefamingbhatkal   اور #DeccanHeraldlies ٹرینڈ کرنے لگے ہیں اور ساحلی کرناٹک کے کئی لوگ اس میں شامل ہوکر اپنے غصہ کا اظہار کرتے ہوئے معافی کا مطالبہ کر رہے ہیں۔ نتیجہ میں چند ہی گھنٹوں میں اس ٹیگ پر ہزاروں کی تعداد میں ٹویٹ کیے جاچکے ہیں۔  

@VarthaBharatiEn first to publish the fact check and expose fake claims of @prajavani @DeccanHerald @kadalavani and others.https://t.co/ARnlbncCMB#Stopdefamingbhatkal #DeccanHeraldLies #Closedownfakenewsfactories

— Ismail Zaorez (@IZaorez) May 18, 2020

Bhatkal family did not hid facts, Mangaluru hospital issues clarification.@spkarwar @dcuttarakannada should take strong action against #DeccanHeraldLies FACT CHECKED👇 https://t.co/g2t51y4KbS@IZaorez @MediaScannerIn#StopDefamingBhatkal

— SYED INAM-UL HAQ (@SYEDINAM92) May 18, 2020

ایک بڑے اخبار نے معذرت کا وعدہ کیا: اس دوران ایک مشہور انگریزی اخبار نے اپنے ٹوئٹر اکاؤنٹ پر اس خبر پر معذرت کا وعدہ کیا ہے اور غلط خبر دینے پر اپنے نمائندے پر بھی کارروائی کا وعدہ کیا ہے۔

We have taken note of the feedback we have received for our story on the #Bhatkal family and of the hospital's clarification and will be issuing a story shortly. @shankarsview

— Deccan Herald (@DeccanHerald) May 18, 2020

واضح رہے کہ سوشیل میڈیا کا صحیح استعمال کیا جائے تو بہت ہی آسانی کے ساتھ بہت سی بدنامیوں کو دور کیا جاسکتا ہے اور بہت سے مسائل حل ہوسکتے ہیں۔ (بشکریہ: اسماعیل ضوریز/معاون مدیر وارتھا بھارتی انگریزی ایڈیشن)