’اسرائیلی کمپنی سے فون کی جاسوسی، انسانی حقوق کی خلاف ورزی‘
02:54PM Fri 1 Nov, 2019
نئی دہلی: کانگریس کی سینیئر رہنما پرینکا گاندھی واڈرا نے کہا ہے کہ فون کی جاسوسی انسانی حقوق کی سنگین خلاف ورزی ہے اور اس کا قومی سلامتی پر برا اثر پڑے گا۔ ادھر اتر پردیش کے سابق وزیر اعلیٰ اور سماج وادی پارٹی کے سربراہ اکھلیش یادو نے بھی جمعہ کے روز کہا کہ غیر ملکی کمپنی کے ذریعہ پرائیویسی کے ساتھ چھیڑ چھاڑ کی گستاخانہ کوشش میں مرکز کی بھارتیہ جنتاپارٹی (بی جےپی )حکومت کے رول کی جانچ ہونی چاہئے۔
پرینکا گاندھی نے ٹویٹ کیا، ’’اگر بھارتیہ جنتا پارٹی (بی جے پی) یا حکومت نے اسرائیلی اداروں کو صحافیوں، وکلاء، سماجی کارکنان اور سیاسی رہنماؤں کے فون کی جاسوسی کرنے کا کام سونپا ہے تو یہ انسانی حقوق کی خلاف ورزی ہے۔ اس کا قومی سلامتی پر غلط اثر پڑے گا ۔ اس پر حکومت کی کاروائی کا انتظار ہے۔‘‘
Photos
