کرناٹک میں دنگائیوں نے دادری سانحہ کو دہرایا

بیف رکھنے کے الزام میں گھر میں گھس کر دلت فیملی کو پیٹا بنگلورو: گئو ہتیا کے شک میں گجرات میں دلتوں کی پٹائی کا مسئلہ گرمایا ہوا ہے، اسی درمیان، کرناٹک میں بھی ایک دلت فیملی کی بے رحمی سے پٹائی کا معاملہ سامنے آیا ہے۔ بتایا جا رہا ہے کہ دلت کے گھر میں بیف رکھے ہونے کا الزام لگا کر ایک گروپ کے ورکرز نے واقعہ کو انجام دیا۔ گزشتہ سال ستمبر میں ایسے ہی واقعہ یوپی کے دادری میں سامنے آیا تھا، جہاں گائے کے گوشت پکانے کی افواہ پر اخلاق کو پیٹ پیٹ کر ہلاک کر کردیا گیا تھا۔پٹائی  میں دلت کا ہاتھ ٹوٹ گیا ہے۔متاثرہ کنبہ کا الزام ہے کہ ان پر بجرنگ دل کے 30-40 لوگوں نے حملہ کیا ہے۔ – کرناٹک کمیونل هارموني فورم کے جنرل سکریٹری کے ایل اشوک نے کہا، ایک گروپ کے لوگوں نے بلراج اور اس کی فیملی پر ہاکی-ڈنڈوں سے حملہ کیا۔ ان لوگوں کا الزام تھا کہ بلراج کے گھر میں بیف رکھا ہوا تھا۔ ہجوم نے ایک گھنٹے تک فیملی کو یرغمال بنایا اور جم کر پٹائی کی۔ اس دوران 53 سال کے بلراج کے ہاتھ میں فریکچر آیا۔ وہیں، اس کی بیوی اور بچوں کو شدید چوٹیں آئی ہیں