نیشنل کانفرس-پی ڈی پی تنخواہوں اورسرکاری کوٹھیوں کا بھی بائیکاٹ کریں: بی جے پی کوٹے سے وزیررہے سجاد لون کا مطالبہ

 انہوں نے کہا ’باقی اگر وہ سنجیدہ ہیں، تو ان کے ممبر اسمبلی اورممبران پارلیمنٹ ہیں۔ وہ استعفیٰ دے سکتے ہیں۔ وہ اپنی تنخواہوں کا بائیکاٹ کرسکتے ہیں۔ سی ڈی ایف کا بائیکاٹ کرسکتے ہیں۔ غریب کے ووٹ کا بائیکاٹ کرنے سے کیا ہوگا۔ وہ جن کوٹھیوں میں رہتے ہیں، ان کا بائیکاٹ کریں۔ بائیکاٹ کرنے کے اور بھی طریقے ہیں‘۔سجاد لون نے کہا کہ بلدیاتی انتخابات قصبوں کی بہبودی کے لئے ہیں۔ انہوں نے کہا "لوگوں نے ہمیں ووٹ دیا اور آج ہم ان کے حق میں ووٹ دے رہے ہیں۔ یہ میونسپل انتخابات ہیں۔ قصبوں کی بہبودی کے لئے ہیں۔ جمہوری ٹیم چننا ہمارا جمہوری حق ہے۔ یہ زمینی سطح کی جمہوریت ہے"۔ خیال رہے کہ سجاد لون کی پیپلزکانفرنس جموں وکشمیرمیں بی جے پی کی حلیف جماعت ہے۔ انہیں (سجاد لون) کو بی جے پی نے اپنے کوٹہ کے تحت وزیربنایا تھا۔