سی اے اے کی آڑ میں ہمیں بانٹنے کی کوشش کی گئی: شاہین باغ خاتون مظاہرین

 خاتون مظاہرین میں شامل ایک ہندو خاتون رینو کوشک نے کہا کہ سوشل میڈیا پر شاہین باغ خاتون مظاہرین کی باتیں سن کر مظاہرہ میں شامل ہوئی ہوں اور میں ان خواتین کے ساتھ رات میں بھی یہیں رہتی ہوں۔ انہوں نے کہا کہ میں اس لئے یہاں رہتی ہوں کہ ان خواتین کی مانگ جائز ہے اور اسی کی حمایت کرنے کے لئے یہاں بیٹھی ہوں تاکہ کوئی یہ نہ کہ سکے یہ لڑائی صرف مسلمانوں کی ہے۔ انہوں نے کہا کہ حکومت کو یہ قانون جلد از جلد واپس لینا چاہیے کیوںکہ یہ ملک کے لئے بہت خطرناک ہے اور اس کے بہت ہی برے نتیجے نکلیں گے۔ انہوں نے کہا کہ اس قانون کے نفاذ سے ہمارے ملک کی مشترکہ تہذیب و ثقافت اور ہندوستان کی پہنچان ختم ہوجائے گی۔