میگھالیہ میں اقتدار کیلئے رسہ کشی ، یو ڈی پی نے بڑھائی بی جے پی اور کانگریس کی مشکلیں

غور طلب ہے کہ میگھالیہ کی 60 رکنی اسمبلی میں یو ڈی پی نے چھ سیٹیں جیتی ہیں اور ریاست میں حکومت کی تشکیل کیلئے اس کا ساتھ کافی اہم ہوجاتا ہے ۔ وہیں یو ڈی پی کے ایگزیکٹو صدر بندو ایم لنونگ اشاروں اشاروں میں ہی کہتے کہ ان کی پارٹی اس مرتبہ کانگریس کے ساتھ اتحاد نہیں کرے گی۔ اس درمیان کانگریس نے گزشتہ رات گورنر سے ملاقات کرکے سب سے بڑی پارٹی ہونے کی وجہ سے حکومت سازی کا دعوی پیش کیا ۔ میگھالیہ میں کانگریس کے ایگزیکٹو صدر ونسیٹ ایچ پالا نے بھی اس اعتماد کا اظہار کیا کہ یو ڈی پی اور پی ڈی ایف جیسی پارٹیاں کانگریس کی حمایت کریں گی ۔ پالا نے کہا کہ ہم بات چیت کررہے ہیں ، ہم امید کرتے ہیں کہ وہ ہمیں حمایت دیں گے۔