اہم خبر: ہماچل پردیش میں بھی این آر سی نافذ کرنے کی تیاری، وزیر اعلیٰ نے دیا اشارہ

این آر سی ہماچل پردیش میں بھی نافذ کیے جانے کی تیاری چل رہی ہے۔ مرکزی وزیر داخلہ امت شاہ نے این آر سی کو پورے ملک میں نافذ کرنے کا بیان دیا تھا، جس پر ہماچل پردیش کے وزیر اعلیٰ جے رام ٹھاکر نے بھی حامی بھر دی ہے۔ پڑوسی ریاست ہریانہ بھی این آر سی نافذ کرنے جا رہا ہے۔ میڈیا میں آ رہی خبروں کے مطابق وزیر اعلیٰ جے رام ٹھاکر نے کہا کہ جس سمت میں پورا ملک آگے بڑھ رہا ہے، اس سمت میں ہم بھی آگے بڑھیں گے۔ امت شاہ نے جو ایشو رکھا ہے، اسے ہم سہل انداز میں قبول کرتے ہیں۔ ایسا نہیں ہونا چاہیے کہ کوئی بھی یہاں آ کر بس جائیں۔