امریکہ نے روکا محمد شمی کا ویزا، معاملہ سلجھانےکےلئےبی سی سی آئی کوکرنی پڑی محنت

بی سی سی آئی نے کھلاڑیوں اورمعاون اسٹاف کے ویزا کی درخواست ممبئی واقع امریکی کمرشل سفارت خانہ میں دی تھی۔ 'دینک جاگرن' کی خبرکےمطابق محمد شمی بھلے ہی ٹی -20 ٹیم کا حصہ نہ ہوں، لیکن انہیں بھی امریکہ ہوتےہوئے ویسٹ انڈیزجانا ہے۔ ٹیم کےکپتان وراٹ کوہلی، نائب کپتان روہت شرما اورکوچ روی شاستری پہلے سے ہی امریکہ کا ویزا رکھتے ہیں اورجن کھلاڑیوں کے پاس امریکہ کا ویزا نہیں تھا، ان کےلئے بی سی سی آئی نے پی -1 ویزا کٹیگری میں درخواست کی تھی۔ ہندوستانی ٹیم کی طرف سے جتنےبھی اراکین نے درخواست دی تھی، ان میں سے محمد شمی کوچھوڑکرسب کو ایک ہی بارویزا مل گیا۔ محمد شمی کے معاملے میں بی سی سی آئی نے اضافی کاغذات سفارت خانہ میں جمع کرائے، جس کے بعد ہی انہیں ویزا مل پایا۔