دبئی میں نو تعمیر شدہ اقامتی ٹاور میں آگ لگ گئی

دبئی کے علاقے مارینہ میں ایک نو تعمیر شدہ اقامتی ٹاور کو آگ لگ گئی ہے۔اس بلند وبالا ٹاور میں آگ لگنے کے بعد ٹویٹر پر ویڈیوز اور تصاویر پوسٹ کی گئی ہیں اور ان میں ٹاور سے آگ کے شعلے اور دھواں بلند ہوتے ہوئے دیکھا جا سکتا ہے۔ مقامی نیوز سائٹس کے مطابق مارینہ مال کے نزدیک واقع زین ٹاور میں دبئی کے مقامی وقت کے مطابق کوئی گیارہ بجے آگ لگی تھی اور پھر ا س نے جلد ہی زور پکڑ لیا۔ اس واقعے کے بعد علاقے میں ایمرجنسی سروس کی گاڑیوں کے سائرن بجنے کی آوازیں سنی گئی ہیں۔

Dubai Civil Defence is working to put out a fire that broke out in the Zen Tower in the Dubai Marina area. The building was evacuated safely and no injuries have been reported.

— Dubai Media Office (@DXBMediaOffice) May 13, 2018

  دبئی کے محکمہ شہری دفاع نے اپنے ٹویٹر اکاؤنٹ پر اطلاع دی ہے کہ زین ٹاور میں لگی آگ بجھانے کے لیے امدادی سرگرمیاں شروع کردی گئی ہیں ۔اس عمارت کو با حفاظت خالی کرا لیا گیا ہے اور کسی شخص کے زخمی ہونے کی کوئی اطلاع نہیں ہے۔