قانونی سہارا گھینون عواما دھوکہ دیتلے افسران ہوشیار زاؤنچے؛ دیش پانڈے

قانونی سہارا گھینون عواما دھوکہ دیتلے افسران ہوشیار زاؤنچے؛ دیش پانڈے بھٹکلیس نیوز / 22 مئ، 13 کاروار / "میں 16/ورس سر ضلع بتر وزیر چی حیثتین کام کیلاتے انی تیجے بتر کونتی کوں غیر قانونی چیزو زاؤنک دیلو ناہی انی کونتے کوں کاما سبب رکاوٹ زالی یتاں کوں اگر کونیو قانونی سہارا گھینون عواما دھوکہ دیتا ترین تیجے خلاف سخت کارروائی کرون وتلی"۔ ہیں خیالات چو اظہار ضلع بتر ہائیر ایجوکیشن منسٹر چی حیثیتین چارج گھیٹلے مسٹر آر وی دیش پانڈے اپلے دون دیسا چے دورہ درمنے کاروار بتر سرکاری افسران سرین زاپتے کرون وھتے ۔ موصوف مزید سانگلے کہ قانون چی آڑ گھینون اگر کونیو کوں غریب عواما چے کامے زاؤنک دے ناہی ترین میں تیجے خلاف سخت کارروائی کرتلو ۔ موصوف دیش پانڈے ہیں موقعار واضح انداز بتر زاپتے سانگلے کہ اکثر پلؤن گیلاہا کہ جیتاں عوام اپلے کام کروچا سبب سرکاری افسرا چے دفترات ایتا ترین افسران تینکاک قانون چے ناؤں گھینون دباؤ گھالتات انی تینچے کڑچان دوڑ خاؤں پلتات نتیجہ بتر عوام اپلے کاما سبب رشوت دیؤن کام کرون گھینتات ۔ اگر امچی حکومتے بتر اسلے افسران کھیوں کوں دیخلے ترین تینچے خلاف قانونی کارروائی کرون وتلی ۔ موصوف ہیں موقعار عواما چی خدمت کروچی تاکید کرتے سانگلے کہ عواما سرین زالّے ایٹلے نرمی سرین پیش یؤنچی کوشش کروکاز انی قانون مطابق تینچے کام کرون دیؤنکاز ۔ موصوف ہیں موقعار اتی کرم ٹھاوا سلسلات کوں افسران کڑے نرمی چو معاملہ کروچی زاپنی سانگتے بلّے کہ جے کونتے ٹھاوار ایک زمانہ ٹکون غریب مانشیں رہاتے واٹیت تینکاک تشی کچ رہاؤنچا سبب سوڑوچے ۔ مسٹر دیش پانڈے ہیں موقعار واتی سلسلات کوں متعلقہ افسراں ہدایات دیتے سانگلے کہ یتاں گرما وقتار انی گرما مگ پاؤشی وقتار عواما آسانی سرین واتو پاوت کروچے انی ضلع بتر کھیوں کوں اگر نظام درست ناہی ترین تیکاک دکن درست کرون گھینوچے ۔ ہیجے علاوہ کوں ہیں موقعار موصوف وزیر سرکاری افسراں بھلی سا ہدایات دیؤن وھتے ۔ ہیں موقعار ضلعی ڈی سی محترمہ ایموکونگلا جامیر ، ضلعی ایس پی مسٹر کے ٹی بالا کرشنا انی دیگر سرکاری افسران موجود وھتے ۔