اتحادی حکومت گرنے پر بی جے پی کرناٹک میں حکومت بنانے کی کوشش کرے گی : یدیورپا

 رابطہ کار کمیٹی کے صدر سدارمیا کی تنقید کرتے ہوئے انہوں نے کہا کہ حکومت میں شامل اراکین میں پھیلی بے چینی کو ختم کرنے کے بجائے مسٹر سدارمیا بی جے پی پر الزام لگا رہے ہیں۔ جس طرح سے اتحا د کے شراکت دار وں میں باہمی لڑائی ہے، اسے دیکھتے ہوئے ایسا لگ رہا ہے کہ یہ حکومت جنوری میں ہونے والی مشترکہ اسمبلی اجلاس کے وقت ہی گر جائے گی۔انہوں نے کہا کہ جہاں تک بی جے پی کا سوال ہے تو وہ صرف آپس میں بیٹھ کر آئندہ لوک سبھاالیکشن کی منصوبہ بندی اور زیادہ سے زیادہ لوک سبھا سیٹیں جیتنے کے لائحہ عمل پر کام کریں گے۔ انہوں نے کہا کہ اتحاد کے شراکت دار وں اور کابینہ میں شامل افراد میں کافی بے چینی ہے۔ مسٹر سدارمیا کے بی جے پی پر خرید و فروخت کے الزامات کا جواب دیتے ہوئے کہا اگر ایسا ہے تو انھیں ثبوت دینا چاہیے۔