جمہوریت نے کسی ایک خاندان کوٹھیکا نہیں دیا، وزیراعظم مودی کی کانگریس پرشدید تنقید

چھتیس گڑھ میں 20 نومبرکو دوسرے اورآخری مرحلے کے لئے ووٹنگ ہونی ہے۔ وزیراعظم نریندرمودی جمعہ کو بی جے پی کی ایک ریلی کے لئے امبیکا پورپہنچے۔ اس دوران وزیراعظم نریندرمودی نے لوگوں سے منگل کوزیادہ سے زیادہ تعداد میں ووٹنگ میں شامل ہونے کی اپیل کی۔ ریلی میں کانگریس لیڈرششی تھرورکے ایک بیان کا ذکرکرتے ہوئے وزیراعظم مودی نے کانگریس کوچیلنج بھی کیا۔ نریندرمودی نے کہا کہ اگرسابق وزیراعظم پنڈت جواہرلال نہرو کے کام کی وجہ سے ایک چائے والے کو وزیراعظم بننے کا موقع ملا توکانگریس صرف ایک بارپانچ سال کے لئے گاندھی - نہرو خاندان سے باہرکے کسی وقف کانگریسی کو صدربنادے تومیں مان لوں گا کہ نہروجی نے کانگریس میں جمہوریت کی بنیاد رکھی تھی۔