سعودی عرب میں شوّال المکرم کا چاند نظر آگیا، آج عید الفطر منائی جارہی ہے

سعودی عرب میں شوّال المکرم کا چاند نظر آگیا ہے اورآج منگل چار جون کو مملکت میں مذہبی عقیدت واحترام سے عید الفطر منائی جارہی ہے۔ سعودی عرب کے شاہی دیوان نے سوموار کو شوال کا چاند نظر آنے کے بعد ایک بیان میں کہا ہے کہ عیدالفطر کی تقریبات کا آغاز منگل سے ہوگا۔متحدہ عرب امارات اور عراق میں بھی آج عیدالفطر منائی جارہی ہے۔ وہیں کچھ دیگر ممالک نے بدھ کو عید الفطر ہونے کا اعلان کیا ہے ۔ خلیج ٹائمز نے الموطن کے حوالے سے رپورٹ دی ہے کہ انڈونیشا نے اعلان کیا ہے کہ منگل کو آخری روزہ ہوگا اور بدھ کے دن عید الفطر کی نماز ادا کی جائے گی ۔ رپورٹ کے مطابق جاپان اور ملیشیا میں بھی رویت ہلال کمیٹیوں نے اعلان کیا ہے کہ بدھ کے دن عید الفطر کی نماز ادا کی جائے گی ۔