لاک ڈاؤن کے دوران کرناٹک میں بی جے پی رکن اسمبلی نے دھوم دھام سے منایا ’برتھ ڈے‘، مہمانوں کو کھلائی بریانی

 اس برتھ ڈے پارٹی کی کچھ تصویریں سامنے آئی ہیں جن میں وہ ہاتھوں میں دستانہ پہنے ہوئے نظر آ رہے ہیں اور کیک کاٹ کر لوگوں کو کھلا رہے ہیں۔ ایک تصویر میں وہ اپنے قریب ایک چھوٹے بچے کو کیک کھلا رہے ہیں، غالباً وہ ان کا بیٹا ہے یا پھر کوئی قریبی رشتہ دار۔ بی جے پی رکن اسمبلی تصویر میں بالکل دولہے کی طرح سجے ہوئے اور پگڑی لگائے ہوئے نظر آ رہے ہیں۔ پاس میں کچھ بچے ماسک لگائے ہوئے نظر آ رہے ہیں تو کچھ بڑے لوگ بھی ماسک لگائے ہیں جب کہ کئی لوگ بغیر ماسک اور دستانہ کے ہیں۔ حیرانی کی بات تو یہ ہے کہ سبھی بالک اس طرح سٹ کر کھڑے ہوئے ہیں جیسے وہ بھول ہی گئے ہیں کہ ہندوستان کسی مہلک بیماری سے جنگ لڑ رہا ہے۔