کیرالہ سیلاب راحتی تقریب میں گانا گائیں گے سپریم کورٹ کے جج

سپریم کورٹ کے ججوں کی جانب سے کیرالہ کے چیف منسٹر ڈیزاسٹر ریلیف فنڈ میں شراکت کرنے کے بعد اب سیلاب متاثرین کی مدد کے لئے منعقد پروگرام میں پیر کے روز سپریم کورٹ کے جج جسٹس کے ایم جوسف گانیں گائیں گے۔ یہ پروگرام سپریم کورٹ کی رپورٹنگ کرنے والے صحافیوں کے جانب سے منعقد کیا گیا ہے۔ اور سپریم کورٹ کے چیف جسٹس دیپک مشرا تقریب کے اہم مہمان ہوں گے، جہاں جسٹس جوسف دو گانے گائیں گے، جس میں ایک ملیالی اور ایک ہندی گانا ہوگا۔