اپنی موت کی جھوٹی خبروں سے پریشان ہوئے سریش رینا ، ٹویٹ کرکے کہا : میں پوری طرح ٹھیک ہوں

طویل عرصہ سے ٹیم انڈیا سے باہر چل رہے بائیں ہاتھ کے بلے باز سریش رینا ان دنوں یو ٹیوب اور سوشل میڈیا پر ان کے بارے میں پھیلائی جارہی جھوٹی خبروں کی وجہ سے پریشان ہیں ۔ سوشل میڈیا پر کچھ لوگ سریش رینا کی موت کی جھوٹی خبریں پھیلا رہے ہیں ۔ گزشتہ دنوں کئی یوٹیوب چینلوں نے خبر چلائی کہ ایک سڑک حادثہ میں کرکٹر سریش رینا کی موت ہوگئی ہے ۔  

Past few days there has been fake news of me being hurt in a car accident.The hoax has my family & friends deeply disturbed. Please ignore any such news; with god’s grace I'm doing absolutely fine.Those @youtube channels have been reported & hope strict actions will be taken soon

— Suresh Raina?? (@ImRaina) February 11, 2019

ان خبروں سے پریشان سریش رینا نے ایک ٹویٹ کرکے اپنے مداحوں کو اپنے صحیح سلامت ہونے کی جانکاری دی ہے ۔ ٹویٹر پر سریش رینا نے لکھا : گزشتہ کچھ دنوں سے جھوٹی خبر پھیلائی جارہی ہے کہ کار حادثہ میں میری موت ہوگئی ہے ۔ اس کی وجہ سے میرے دوست اور میرے اہل خانہ بہت پریشان ہیں ۔ بھگوان کے آشیرواد سے میں پوری طرح صحتمند ہوں ، جن یو ٹیوب چینلوں نے ایسی خبریں پھیلائی ہیں ، ان کے خلاف شکایت کردی گئی ہے ، جن کے خلاف سخت کارروائی کی جائے گی ۔