بنگال میں این آر سی اور سی اے اے نافذ کر کے دکھائیں، ممتا کا امت شاہ کو چیلنج

کولکاتا: شہریت ترمیمی ایکٹ اور این آر سی کے خلاف وزیر اعلیٰ ممتا بنرجی نے تیسرے دن بھی ایک بڑے جلوس کی قیادت کرتے ہوئے وزیر اعلیٰ ممتا بنرجی نے مرکزی وزیر داخلہ امت شاہ سے کہا ہے کہ ”آپ ملک کے وزیر داخلہ ہیں، صرف بی جے پی لیڈر نہیں ہیں، اس لئے ملک میں امن وامان کے قیام کے لئے کوشش کریں۔

ممتا بنرجی نے کہا کہ ملک میں آگ لگانے کا کام وزیر داخلہ کا نہیں ہوتا ہے بلکہ وزیر داخلہ کی حیثیت سے ان کی ذمہ داری ہے کہ اس بات کو یقینی بنائیں کہ ملک میں امن و امان کی فضا قائم رہے۔ ممتا بنرجی نے کہا کہ امت شاہ ابھی بھی بی جے پی لیڈر کے طور پر کام کر رہے ہیں۔ ممتا بنرجی نے بی جے پی واشنگ مشین بن گئی ہے۔ داغدار لوگ ان کی پارٹی میں شامل ہونے کے بعد پاک صاف ہوجاتے ہیں۔