حکومت آر ایس ایس کا ’ایجنڈا‘ لاگو کرنے پر آمادہ: کانگریس

 سچن ساونت نے کہا کہ اس سے قبل ملک کے 49دانشوروں وفنکاروں نے نریندرمودی کو خط لکھ کر موب لنچنگ وغیرہ جیسے منفی واقعات پر اپنا غصہ ظاہر کیا تھا،جس پر ان کے خلاف ملک سے غداری کا مقدمہ درج کیا گیا۔انہوں نے کہا کہ چاہے ان دانشوران پر ملک سے غداری کا مقدمہ ہو، چاہے چنمیانند وکلدیپ سنگھ سینگر کا عورتوں کے ساتھ عصمت دری کا معاملہ ہو، چاہے کشمیر میں گزشتہ دوماہ سے ابلاغ وترسیل پر پابندی کا معاملہ ہو یا پھر موب لنچنگ جیسے واقعات ہوں، ان کے خلاف اجتماعی طور پر کئی طلبہ وزیراعظم نریندرمودی کو خط لکھے ہیں۔ لیکن یونیورسٹی کی انتظامیہ کو یہ پسند نہیں آیا اور انہوں نے حکومت کی مرضی کو فوقیت دیتے ہوئے 6 طلبہ کو ان کے سماجی بیک گراونڈ کو دیکھتے ہوئے ان پر اخراج کی کارروائی کی جو قابل مذمت ہے۔ ہم نے اس اخراج کے خلاف ریاست کے الیکشن کمشنر سے ملاقات کی ہے اور یونیوسٹی انتظامیہ کی اس غیرقانونی وغیراخلاقی حرکت کے خلاف کارروائی کا مطالبہ کیا ہے۔