شہزادی ریما بنت بندر امریکہ میں سعودی عرب کی پہلی خاتون سفیر

سعودی عرب نے خواتین کو بااختیار بنانے کی جانب ایک اور سنگ میل عبور کرلیا  ہے۔ سعودی تاریخ میں پہلی بار خاتون کو سفیر بنا دیا گیا۔ شہزادی ریما بنت بندر امریکہ میں سعودی سفیر تعینات کر دی گئیں۔ سعودی شاہی فرمان کے مطابق سعودی عرب نے واشنگٹن میں سفیر کو تبدیل کرکے شہزادی ریما بنت بندر بن سلطان کو امریکہ میں سفیر تعینات کیا ہے۔ ریاض سے ملنے والی اطلاعات کے مطابق ان سے پہلے شہزادہ خالد بن سلمان امریکہ میں سعودی سفیر تھے جنہیں اب نائب وزیردفاع مقرر کردیا گیا ہے۔