الہ آباد کا نام بدلنے پر وزیر اعلی یوگی نے کہا : ماں باپ نے تمہارا نام راون اور دریودھن کیوں نہیں رکھا ؟

الہ آباد کا نام تبدیل کرنے پر اٹھے تنازع پر پہلی مرتبہ وزیر اعلی یوگی آدتیہ ناتھ نے بیان دیا ہے۔ انہوں نے سوال اٹھانے والوں سےپوچھا کہ تمہارا نام ماں باپ نے راون اور دریودھن کیوں نہیں رکھا۔ وزیر اعلی اتراکھنڈ میں گیان کنبھ میں شامل ہونے گئے تھے ، جہاں میڈیا کے سوالوں کے جواب میں انہوں نے بیان دیا۔ یوگی سے میڈیا نے پوچھا کہ اپوزیشن کا الزام ہے کہ حکومت اپنے ایجنڈے کے تحت نام تبدیل کررہی ہے ، تو کیا ضرورت ہے نام بدلنے کی ، اس پر یوگی نے جواب دیا کہ لوگ کہتےہیں کہ نام بدل دیا ، نام سے کیا ہوتا ہے ؟ میں نے کہا کہ تمہارے ماں باپ نے تمہارا نام راون اور دریودھن کیوں نہیں رکھا ؟ ۔