اماراتی وزیر خارجہ شیخ عبداللہ بن زاید کی نئی دہلی میں اکشر دھام مندر کی یاترا

متحدہ عرب امارات کے وزیر خارجہ شیخ عبداللہ بن زاید آل نہیان نے بھارت کے دارالحکومت نئی دہلی میں ہندوؤں کے مندر اکشر دھام کی یاترا کی ہے۔ وہ بھارت کے سرکاری دورے پر ہیں۔ مندر کی یاترا کے دوران میں شیخ عبداللہ کو اس میں رکھے تاریخی آثار، مندر کے فنِ تعمیر، روایتی ثقافت، منفرد آرٹ ، بھارت کے تاریخی آثار اور کندہ پتھر سے تعمیر کردہ عمارت کے خدوخال کے بارے میں بتایا گیا۔ یو اے ای کی سرکاری خبررساں ایجنسی وام کے مطابق ’’وزیر خارجہ نے اپنے ملک کی جانب سے دوسری اقوام کے فنون ،تاریخی آثار اور تہذیبوں میں دلچسپی اور مختلف ثقافتوں اور مذاہب کے درمیان رواداری اور پُرامن بقائے باہمی کے تصور کے فروغ دینے کے عزم کا اظہار کیا‘‘۔