ہندو پاک کے درمیان کشیدگی سے جوہری خطرے کی گھنٹی: امریکی میڈیا

امریکی میڈیا نے خبردار کیا ہے کہ ہندوستان اور پاکستان کے درمیان کشمیرکا مسئلہ جنوبی ایشیا میں ایٹمی جنگ کے لئے خطرہ بن سکتا ہے۔ امریکی اخبار نیویارک ٹائمز نے اس جمعہ کو اپنے اداریے میں یہ خدشہ ظاہر کیا ۔ اخبار نے بین الاقوامی برادری کو آگاہ کیا ہے کہ جنوبی ایشیا کے دو جوہری اسلحہ یافتہ پڑوسی ممالک کے درمیان جاری کشیدگی خطرناک نتیجے پر پہنچ سکتی ہے۔ اداریہ میں کہا گیا کہ پاکستان میں واقع دہشت گرد تنظیم کی طرف سے انجام دیئے گئے پلوامہ دہشت گردانہ حملے میں سنٹرل ریزرو پولیس فورس کے 40 جوانوں کے شہید ہونے کے واقعہ کے بعد ہندوستان اور پاکستان نے ایک دوسرے کے علاقے میں ہوائی کارروائی کی۔