سعودی وزیر خارجہ عادل الجبیر نے جمال خاشقجی کے قتل کو’ سنگین غلطی‘ قرار دیا

قتل کی بات کا اعتراف کرنے اور اسے ایک 'سنگین غلطی' قرار دیتے ہوئے سعودی عرب کے وزیر خارجہ عادل الجبیر نے اتوار کو کہا کہ ان کا ملک نہیں جانتا ہے کہ مارے گئے صحافی جمال خاشقجی کی لاش کہاں ہے۔ فاکس نیوز کے ساتھ ایک انٹرویو میں جبیر نے کہا کہ سعودی قیادت کا شروع میں ماننا تھا کہ خاشقجی استنبول میں ان کے قونصل خانے سے چلے گئے ہیں جہاں انہیں دو اکتوبر کو آخری بار دیکھا گیا تھا۔ حالانکہ ترکی سے خبریں ملنے کے بعد سعودی حکام نے تحقیقات شروع کردی ہے جس میں انکشاف کیا گیا ہے کہ سفارت خانے میں ان کا قتل کیا گیا ہے۔ الجبیر نے کہا، "ہم اس بارے میں تفصیلی معلومات نہیں جانتے ہیں کہ یہ کیسے ہوا۔ ہم نہیں جانتے ہیں کہ لاش کہاں ہے‘‘۔