فی الحال ڈی این ڈی رہے گا ٹول فری، سپریم کورٹ کا الہ آباد ہائی کورٹ کے فیصلہ پر روک لگانے سے انکار

اس سے قبل بدھ کو الہ آباد ہائی کورٹ نے ڈی این ڈی فلائی اوور کو ٹول فری کردیا تھا۔ ہائی کورٹ نے سماعت کے دوران سخت لہجہ میں کہا تھا کہ نوئیڈا ٹول برج کمپنی لمیٹیڈ من مانے طریقے سے روڈ ٹیکس وصول کررہی ہے۔ کمپنی کی اس من مانی کے خلاف گزشتہ چار سال سے کوشش جاری تھی۔ عدالت میں ڈی این ڈی کو ٹول فری کرنے کے سلسلے میں کئی عرضیاں دائر کی گئی تھیں۔ نو کلومیٹر طویل آٹھ لین والے ڈی این ڈی کو ٹول فری کروانے کے لئے دہ ماہ قبل بھی کئی تنظٰموں نے زبردست مظاہرہ کیا تھا۔ خیال رہے کہ فروری 2001 میں شروع ہوا ڈی این ڈی پر ٹول ٹیکس بڑھ کر پانچ گنا ہوچکا ہے ۔ فلائی اوور پر موٹر سائکل سے گزرنے کے لیے 12 روپے دینے ہوتے ہیں جبکہ کار سے گزرنے پر 28 روپے ادا کرنے پڑتے ہیں۔یہاں سے روزانہ 25 ہزار سے بھی زائد گاڑیاں گزرتی ہیں۔