جموں و کشمیر : لائن آف کنٹرول پار کر کے ہندوستانی سرحد میں داخل ہوا پاکستانی ہیلی کاپٹر ، فوج نے دیا معقول جواب

پاکستان نے ایک مرتبہ پھر سے لائن آف کنٹرول کی خلاف ورزی کی ہے۔ پاکستان کا ایک ہیلی کاپٹر اتوار کو جموں و کشمیر کے پونچھ ضلع میں ہندوستانی سرحد میں داخل ہوگیا ۔ یہ واقعہ دو پہر 12:13بجے پیش آیا ۔ ہندوستان کی جانب سے اس واقعہ کا معقول جواب دیا گیا ۔ فوج نے چھوٹے ہتھیاروں سے اس پر فائرنگ کی۔ اس واقعہ کا ایک ویڈیو بھی سامنے آیا ہے ، جس میں نظر آرہا ہے کہ سفید رنگ کا ایک پاکستانی ہیلی کاپٹر ہندوستانی سرحد میں اڑ رہا ہے اور وہ گولیوں کی آواز سننے کے بعد لوٹ جاتا ہے۔