گجراتی خاتون کی مہم جوئی، برطانیہ سے ہندوستان تک کا سفر اکیلے کار سے طے کیا

گجرات کے نوساری ضلع کی ایک 43 سالہ این آر آئی خاتون نے برطانیہ سے انڈیا تک کا سفر اکیلے کار سے کامیابی کے ساتھ طے کر لیا ۔ کار سے اکیلے 32000 کلومیٹر کا فاصلہ طے کرنے والی بھارولتا كاملے نے کل اپنے اعزاز میں منعقدہ ایک تقریب میں شرکت کی جہاں انہوں نے اپنے آبائی شہر نوساری میں صحت کی سہولیات فراہم کرنے کی خواہش ظاہر کی ہے۔ مقامی انتظامیہ نے اس پروگرام کا انعقاد کیا تھا۔ بھارولتا کاملے نے یہ کارنامہ انجام دے کر ایک نئی مثال قائم کی ہے۔ بھارولتا كاملے کا آبائی شہر نوساری ہے۔ نوساری آنے سے پہلے وہ وڈودرا میں رکی تھیں، جہاں پر مائے فیئرآورٹیم آرٹ گیلری میں ان کی عزت افزائی کی گئی۔ اپنے اس سفر میں انہوں نے 32 ممالک کا دورہ کیا اور 57 دنوں میں یہ سفر مکمل کیا۔ برطانیہ سے انڈیا تک کے دورے میں انہوں نے 'بیٹی بچاؤ، بیٹی پڑھاو' کا پیغام دیا۔ اس موقع پر خطاب کرتے ہوئے كاملے نے کہا، 'اس سولو ڈرائیو کے ذریعے میں دنیا کے 32 ممالک کے لوگوں سے منسلک ہوئی اور ان سے میں نے اپنے آبائی شہر نوساری میں جدید اسپتال قائم کرنے کے لئے امداد طلب کی۔ بتایا جا رہا ہے کہ بھارولتا دنیا کی پہلی ایسی خاتون ہیں جنہوں نے محض 57 دنوں میں اتنے ممالک کا دورہ کیا ہے۔ وہ 32 ممالک کا دورہ کر 8 نومبر کو منی پور کی مورہ پوسٹ پر پہنچی تھیں۔ اس سفر میں وہ 09 پہاڑی علاقوں، تین بڑے ریگستان اور دو براعظم سے ہوکر گذریں۔ ان کے اس سفر میں 5000 كلوميٹر کا پہاڑی سفر بھی شامل ہے جس میں انہوں نے 3،700-4000 میٹر اونچائی پر اپنی کار چلائی۔ اس سفر کو گنیز بک آف ورلڈ ریکارڈ میں شامل کیا جائیگا ۔