پھر اٹھا ای وی ایم - وی وی پیٹ میں چھیڑچھاڑ کا معاملہ ، سپریم کورٹ جانے کی تیاری میں اپوزیشن

 یہ پریس کانفرنس جمہوریت بچاو کے نعرے کے تحت کی گئی ۔انہوں نے کہاکہ اپوزیشن جماعتیں اس مسئلہ کو قانونی طورپر آگے لے جائیں گی۔یہ پریس کانفرنس اپوزیشن جماعتوں کے لیڈروں کے اجلاس کے بعدمنعقد کی گئی۔مسٹر سنگھوی نے کہاکہ بغیر کسی جانچ کے لاکھوں رائے دہندوں کے نام فہرست رائے دہندگان سے آن لائن حذف کردیئے گئے ۔پارٹیوں نے اس سلسلہ میں کمیشن کو طویل فہرستیں دی ہیں ۔انہوں نے کہا کہ کم از کم 50وی وی پیاٹس کے ٹرائلس کی گنتی ضروری ہے۔ہم اس مسئلہ کو سپریم کورٹ سے رجوع کریں گے ۔انہوں نے کہاکہ کمیشن نے اس سلسلہ میں ہماری جانب سے کئے گئے مطالبہ پر کوئی توجہ نہیں دی ہے۔ہم نے شفافیت کا کمیشن سے مطالبہ کیا تھا۔انہوں نے کہاکہ ہمارے پاس اب سپریم کورٹ سے رجوع ہونے کے ماسوا کوئی دوسرا راستہ نہیں ہے۔کمیشن اگر وی وی پیٹس کی سپلس کی گنتی کرتا ہے تو اس کے لئے پانچ سے زائد دن درکار ہوں گے ۔ہم نے کمیشن سے کہاکہ وہ اپنی ٹیم کے ارکان کی تعداد میں اضافہ کرے ۔ایسا کرنے سے پانچ دن درکار نہیں ہوں گے۔مزید پولنگ عہدیداروں کی اس عمل میں تیزی کے لئے ضرورت ہے۔