یوگی کے وزیرنےکہا ’’رام مندرکی تعمیرہوگی، حکومت ہماری ہے اورسپریم کورٹ بھی ہمارا‘‘۔

رام مندر تعمیر پر چل رہے تنازعہ کے درمیان بی جے پی کے کوآپریٹیو وزیر مکٹ بہاری ورما کا ایک بڑا بیان آیا ہے۔  میڈیا سے بات چیت میں وزیر مکٹ بہاری ورما نے کہا ہے کہ سپریم کورٹ بھی ہمارا ہے اور عدلیہ بھی۔ رام مندر بن کر رہے گا۔ واضح رہے کہ کابینی وزیر مکٹ بہاری ورما بہرائچ کے قیصر گنج سے بی جے پی کے ممبراسمبلی ہیں۔ میڈیا کے سوالوں کا جواب دیتے ہوئے انہوں نے کہا کہ بی جے پی مندر کے مدعے پر نہیں، ترقی کے مدعے پر اقتدار میں آئی ہے۔ مندر ان کے لئے لائق احترام ہے۔ مندر بنے گا کیونکہ سپریم کورٹ بھی ہمارا ہے، ایگزیکٹیو اور مقننہ بھی ہماری ہے اور ملک بھی ہمارا ہے۔