فلسطینی علما کا وفد بنگلورو کے دورے پر، کہا : مسلمانوں کا قبلہ اول مسجد اقصی خطرے میں

 فلسطینی علما نے میڈیا سے بات کرتے ہوئے کہا کہ یہودی قوم قبلہ اول مسجد اقصی کی بے حرمتی کررہی ہے۔ اسرائیلی فوج روزانہ ہزاروں یہودیوں کو مسجد میں داخل کرواکر اس کے تقدس کو پامال کررہی ہے۔ فلسطینی نمائندوں نےکہاکہ یہودی چاہتے ہیں کہ مسجد اقصی میں ان کی عبادت گاہ قائم ہو۔ انہوں نے کہاکہ فلسطینی عوام پرمظالم ڈھائے جارہے ہیں۔ خواتین، بچوں کو بھی بخشا نہیں جارہاہے۔ اس خطرناک دور میں بھی فلسطینی عوام آزادی کی لڑائی لڑ رہی ہے۔فلسطین کی مجلس العلما کے رکن ڈاکٹرابراہیم احمد نے کہاکہ ہندوستان اور فلسطین کے درمیان قدیم اور دوستانہ تعلقات رہے ہیں۔ موجودہ دور میں بھی ہندوستان فلسطین کی آزادی، فلسطینی عوام کے حقوق اور انصاف کیلئےآواز اُٹھائے۔