جاوید اختر کا اذان سے متعلق متنازعہ بیان، کہا- لاوڈ اسپیکر سے بند کردینی چاہئے اذان

ممبئی: بالی ووڈ کے مشہور نغمہ نگار جاوید اختر (Javed Akhtar) نےلاوڈ اسپکر پر اذان دینےکو پریشان کرنے والا بتایا ہے۔ جاوید اخترنےکہا ہے کہ اذان کو لاوڈ اسپیکر پر نہیں دینا چاہئے، اس سے پریشانی ہوتی ہے۔ ایک ٹوئٹ میں جاوید اختر نے لکھا، ’پچاسوں سال تک لاوڈ اسپیکر پر اذان دینا حرام رہا، لیکن اب جب حلال ہوا ہے تو ختم ہی نہیں ہو رہا ہے۔ امید ہے کہ لوگ خود کو ہو رہی پریشانی کو سمجھتے ہوئے لاوڈ اسپیکر پر اذان دینا خود ہی بند کردیں گے’۔  

In India for almost 50 yrs Azaan on the loud speak was HARAAM Then it became HaLAAL n so halaal that there is no end to it but there should be an end to it Azaan is fine but loud speaker does cause of discomfort for others I hope that atleast this time they will do it themselves

— Javed Akhtar (@Javedakhtarjadu) May 9, 2020

حالانکہ جاوید اختر کا یہ بیان انتہائی متنازعہ ہے، کیونکہ یہ ایک مذہب پر خصوصی طور پر طنز ہے۔ اب اس معاملے پرکافی بحث ہوگی۔ کیونکہ پہلے بھی اس طرح کے بیانات پر کافی ہنگامہ ہوا تھا۔ قابل ذکر ہےکہ کبھی یہی بات بالی ووڈ نغمہ نگار سونو نگم نے بھی کہی تھی۔ تب کافی ہنگامہ ہوا تھا۔ انہوں نےکہا تھا کہ ان کےگھر کے آس پاس بہت سی مسجد ہیں۔ اکثر وہ اذان سننی پڑتی ہے، جبکہ وہ نہیں سننا چاہتے ہیں۔