کشمیر میں افہام و تفہیم کا راستہ اختیار کرنا وقت کی اہم ضرورت : فارق عبداللہ

نیشنل کانفرنس کے صدر و رکن پارلیمان ڈاکٹر فاروق عبداللہ نے جموں وکشمیر بالخصوص وادی کشمیر میں جاری بے چینی، غیر یقینیت اور افراتفری کے ماحول پر تشویش اور افسوس کا اظہار کرتے ہوئے ریاستی اور مرکزی حکومتوں سے کہا کہ افہام و تفہیم کا راستہ اختیار کرنا وقت کی اہم ضرورت ہے۔ سری نگر کے مضافاتی علاقہ حضرت میں منعقدہ ایک تقریب میں پارٹی عہدیداروں اور کارکنوں سے خطاب کرتے ہوئے فاروق عبداللہ نے وادی کشمیر کے موجودہ حالات کو انتہائی تشویشناک قرار دیتے ہوئے الزام لگایا کہ سابق پی ڈی پی -بی جے پی حکومت نے مرکز کی غلط پالیسیوں کو من و عن ریاست میں عملایا، جس کا نتیجہ ہم آج بخوبی زمینی سطح پر دیکھ سکتے ہیں۔