الور ہجومی تشدد کیس میں چارچ شیٹ داخل ، وی ایچ پی کارکن سمیت تین پر رکبر خان کو مارنے کا الزام

الور میں رکبر خان کو گئو اسمگلر بتایا کر پیٹ پیٹ کر قتل کردئے جانے کے مشہور واقعہ میں الور پولیس نے جمعہ کو رام گڑھ کی سول کورٹ میں چارج شیٹ داخل کردی ہے۔  تین ملزمین کے خلاف آئی پی سی کی دفعہ 302 ، 341 ، 323 اور 34 کے تحت چارج شیٹ داخل کی گئی ہے۔لیکن پولیس اہلکاروں سمیت دیگر ملزمین کے خلاف جانچ پینڈنگ رکھی گئی ہے۔ ان ملزمین میں پولیس کو اطلاع دینےو الا وی ایچ پی کا کارکن نول کشور بھی شامل ہے۔ پولیس اہلکاروں کے خلاف چارج شیٹ داخل نہیں کرنے پر الور پولیس نے وضاحت پیش کی ہے کہ ان کے خلاف مجسٹریٹ جانچ جاری ہے ۔ جانچ کے بعد ہی طے ہوگا کہ وہ قصوروار ہیں یا نہیں ۔ جن تین کے خلاف چارج شیٹ داخل کی گئی ہے ، ان میں ملزم پرمجیت ، دھرمیندر اور نریش کو پولیس نے گرفتار کیا تھا۔