ہندوستان -پاکستان کے وزرائے خارجہ کی میٹنگ رد ہونے سے عمران خان ہوئے مایوس

پاکستان کے وزیراعظم عمران خان نے اقوام متحدہ کی جنرل اسمبلی کے اجلاس کے دوران ہندوستان اور پڑوسی ملک کے وزرائے خارجہ کے درمیان ہونے والی میٹنگ رد ہونے پر مایوسی کا اظہار کیا ہے۔ جموں وکشمیر کےضلع شوپیاں میں جمعہ کو تین خصوصی پولیس افسران کو اغوا کرکے ان کو قتل کرنےاور جنگجو برہان وانی پر ڈاک ٹکٹ جاری کرنے کےخلاف احتجاج میں ہندوستان نے یہ میٹنگ منسوخ کردی ہے۔ عمران خان نےہفتہ کو ٹویٹ کرکے کہا کہ امن مذاکرات پھرسے شروع کرنے کی ان کی تجویز پر ہندوستان کے’متکبرانہ اور منفی ‘جواب سے انہیں مایوسی ہوئی ہے۔انہوں نے کسی کا نام لئے بغیر کہا کہ ’’اپنی پوری زندگی میں میں نے ادنیٰ لوگوں کو بڑے بڑے عہدوں پر قابض ہوتے دیکھا ہے، یہ لوگ بصارت سے عاری اور دوراندیشی سے یکسر محروم ہوتے ہیں‘‘۔